Создать сайт на a5.ru
Более 400 шаблонов
Простой редактор
Приступить к созданию
Укучылар иҗаты

        Туган авылым
 
Иске Вәрәш  булса да,
Иске түгел – яна ул.
Үзе бик зур булмаса да,
Кешеләре күп аның.
 
Каз-үрдәкләр йөзәләр
Кечкенә инешендә.
Кызарып җиләкләр пешә
Яшел тау итәгендә.
 
Урманга да бик бай ул
Чишмәләргә-күлләргә.
Шомырт, баланнар үсә
Әрәмә эчләрендә.
 
“Дуслык” чишмәсе тавыннан
Күренә Ык буйлары.
Төшеп суларын эчсәң,
Басыла сусауларың. 
 
                               
         Алия Зарипова,

                                                 Мөслим гиназиясенең
                                                 7 нче Б сыйныфы укучысы
 
      Туган авылыма
     (Әзрәк кенә Тукайчарак)
 

Әби-бабай авыл өчен
Бик шәп урын сайлаган:
Уңда – урман, сулда – таулар,
Чишмәсе, инеше бар.
 
Туган авылым – Метрәй минем,
Чуерташлы су буе.
Йөрәкле Тау, Чишмә Башы, 
Солтанай-каран, Нади Кулы...
 
Мәтрүшкәле аланнарның
Мең чиргә дәвасы бар.
Тау бөтнеге, гөлбадранның
Һәркемгә шифасы бар.
 
Тукай язганнан ким түгел
Бездә дә чыршы-нарат.
“Төпләрендә ятканым бар
Хәл җыеп күккә карап”.
 
Җәй көннәре җыя халык
“Кура җиләк тә җир җиләк”.
Кил әйдә, җыярсын син дә
“Күз ачып йомганчы бер чиләк”.
 
Сандугачлы болыннарда
Күбәләкләр уйныйлар.
Туган якның гүзәллеген 
Көйгә салып җырлыйлар.
 
Метрәемнең халкы данлы,
Тырыш, уңган, мактаулы.
Булсам иде туган якның
Мин дә бер сандугачы.
 
                                              Әһлиуллина Язилә,

                                              Мөслим гиназиясенең
                                             9 нчы Б сыйныфы укучысы 


 

       Көзге этюд
 
Баш очымнан гына тезелеп
Күчмә кошлар очып бара.
Көзге кояш сагышланып,
Моңсу гына озатып кала.
 
Кошлар киткәч агачлар да
Сагыштан саргаялар.
Яшь түгә болытлар да,
Көннәр кыска, төннәр озаялар.
 
Әле генә кояш иде, 
Чиләкләп койды бая.
Көзге көнне аңламассың:
Я елый, я елмая…
 
                                               Әһлиуллина Язилә,

                                               Мөслим гиназиясенең
                                               9 нчы Б сыйныфы укучысы
 

 
     Армиягә китәсең...
 
Озакламый безне, абыем,
Озын юл аерачак.
Син кайтуга инде бездә
Күп яңалык булачак.
 
Син, абыем, бер ел буе
Илебез чиген сакларсың.
Әбиемнең син кайткачтын
Беләм рәхәт суласын.
 
Ныклы булып, тугрылыклы 
Хезмәт ит Туган илгә.
Өмет итәм: син кайтырсың  - 
Нур булып туган өйгә.            
 
Рәмилә Сәләмова, 
7 нче б сыйныфы укучысы
Куш Чишмә дә куанды
 
Җиңү көнне, бәйрәмнән соң,
Карамыйча бер эшкә,
Утырдылар машинага,
Юнәлделәр Түрешкә.
 
Лилия, Алмаз, Булаттан
Зөлфәте дә калмады.
Куш Чишмәгә барачакны
Әллә каян аңлады.
 
Ә Куш Чишмә, мескенкәем,
Аларны күптән көткән.
Чөнки юлы томаланган- 
Балчык ишелеп төшкән.
 
Көрәк белән юл ярдылар,
Тимер улак куйдылар.
Тырма тотып кулларына,
Чүп – чарларны җыйдылар.
 
Чыбык – чабыкларны кырып,

Хәтта сукмак салдылар.
Үзләренең эшләреннән 
Бик канәгать калдылар. 
 

                                             Булат Әхмәтҗәнов, 

                                             Мөслим гиназиясенең
                                            7 нче А сыйныфы укучысы

 

      Әниләр була төрле
 
Әниләр була төрле
Милләте, теле, дине.
Һәр балага иң якыны - 
Үзен үстергән әнисе .
Әни, аңлыйм, эшең авыр,
Бик арыйсыңдыр инде.
Атна саен көтеп алам
Өйгә кайтуларыңны.
Рәхмәтлемен  сиңа, әни,
Тапкан-үстергән өчен,
Рәхмәтлемен  сиңа, әни,
Бу дөньяда булганың өчен!
 
                                                   Илнур Нуриев, 

                                                  Мөслим гиназиясенең
                                                  7 нче Б сыйныфы укучысы
 

 

                                                           Балалык рәхмәтем
 
    Әнием! Минем иң кадерле кешем! Мине яратучы да, мине аңлаучы да, кирәк чакларда ярдәм итүче дә син бит бу дөньяда! Синнән башка тормышымны мин күз алдыма да китерә алмыйм. Миңа, апаема, абыема син зур терәк, таяныч. Безгә тәмле ризыклар пешерүче дә, матур-матур киемнәр алучы да, изге теләкләр теләп мәктәпкә озатучы да, әни, әти, сез бит! Аллага шөкер, гаилә җылысын тоеп, үз өебездә, үз гаиләбез белән яшибез.


                                                         Саклап торсын, яклап торсын
                                                        Әнием, теләкләрең.
                                                        Гомерләреңә җитәрлек,
                                                        Балалык рәхмәтләрем.
 
                                                                                                                                            Язилә Исмәгыйлова,

                                                                                                                                                                                                             Мөслим гиназиясенең

                                                                                                                                                                                                              8 нче А сыйныфы укучысы
 
                                          Әни йөрәге –иң сизгер йөрәк.
 
     Әни күзләре мәңге сүнмәс бәхет, шатлык уты белән яна. Әни йөрәге сизгер йөрәк булып кала. Әнинең мәрхәмәтле елмаюы гына ни тора!
      Һәр кеше әнисен бик ярата. Ә минем өчен ул җир йөзендә иң якын, иң кадерле кеше. Ул безгә тормыш биргән, кадерләп, тәрбияләп үстергән.
   Минем әнием вакытында назлый да, кирәгендә ачулана да белә. Аның биргән киңәшләрен мин һәрвакыт файдаланам. Әниемне мин бик яратам.
    Әниләргә карата безнең мәхәббәтебез никадәр зур булса, тормышыбыз шулкадәр шатлыклы һәм  якты булачак. 
 
                                                                                                                                                           Алсу Муллагалиева, 

                                                                                                                                                                                                               Мөслим гиназиясенең

                                                                                                                                                                                                               8 нче А сыйныфы укучысы
 

 

 

 

                                                                         Бүләк 
                                                                       (Хикәя)

   - Кышкы кич. Фирүзә өстәл янында уйга чумып утыра.
   - Кызым, нинди уйга баттың? Чәең суынып бетә ич.
   - Әнием, абыемның туган көненә көчек бүләк итсәм, ничегерәк булыр икән? 
   - Бик шәп булыр, кызым.
   - Тиз арада гына каян табарбыз соң аны, кызым?- диде әтисе.
   Күптән түгел генә Фирүзәләрнең Пушок атлы этләре картаеп дөнья куйды. Абыйсы бу югалтуны авыр кичерде, чөнки абыйсы белән Пушок бик дуслар иде. Пушок Камилне койрыкларын болгый-болгый, шатланып каршы ала иде. Камил, кая гына барса да, этне үзеннән калдырмады. Шуңа күрә дә, көчек бүләк итеп, Фирүзә абыйсының күңелен күтәрмәкче иде. Озак эзләде кыз көчекне. Абыйсының туган көне килеп җитте, ә көчек юк. 
   Фирүзә һәр кичтә әтисенә маллар караша. Юеш борынлы бозауларның кетер-кетер печән ашаганнарын күзәтеп торырга, учын сузып, тәмле печән белән сыйларга ярата. Шулай бер кичне, малларны карап, эшләрен төгәлләгәч, Фирүзә бакча ягына чыкты. Ак-ак кар шәлләрен бөркәнеп утырган агачларга сокланып карап торганда, әллә каян кара йомгак тәгәрәп чыкты. Кыз куркып китте. Аның аяк астында түм-түгәрәк, кара күзле, йомшак, йонлач, кара көчек бөтерелә иде. Ул туктаусыз шыңшый, аякка сарыла, җылы эзли кебек тоелды. Фирүзә як-ягына каранды, хуҗасын эзләгәндәй итте. Тик берәү дә күренмәде. Күрәсең, көчек хуҗасыз иде. Кызның шатлыгы эченә сыймады. Көчекне кулына алып, күкрәгенә кысты. Көчек “Менә ич минем хуҗам”, дигәндәй, сөенеп, кызның битләрен, кулларын ялады. 
   Фирүзә абыйсын зур түземсезлек белән көтте. Тизрәк абыйсына шатлыклы хәбәр җиткерәсе, көчекне  бүләк итәсе килде.
   Шулай итеп, Бүләк ишек алды хуҗасы булып, Фирүзәләрдә яшәп калды.
 
                                                                                                                                                                                                                     Илүзә Кашапова, 

                                                                                                                                                                                                                    Мөслим гиназиясенең
                                                                                                                                                                                                                    8 нче А сыйныфы укучысы
 

 

  Мөслимем - гүзәл җирем  
 Без бу җирдә бары Мөслимнеке!
 Шул мөслимлек бeлән көчле без.
 Кеше хакын хаклый белгән өчен
 Дөреслекнең үзе төсле без!      
                   

 
© Мөслим гимназиясе укучылары сайты. 2015-2017.